Uşaqlar hansı cizgi filmlərini izləməlidir?
Texnologiyanın inkişafı, məşğul həyat tərzi, valideynlərin övladına vaxt ayıra bilməməsi kimi səbəblərdən uşaqlar erkən yaşlardan televizor izləməyə başlayırlar. Bu hal öz növbəsində bəzi problemlərə yol açır. Uşaqlar 0 -2 yaş aralığında reallıqla xəyal arasında fərqi başa düşmədiklərindən cizgi filmində gördüyü animasiyaları, hadisələri həqiqət sana bilərlər. Bu səbəbdən iki yaşa qədər uşaqları cizgi filmi ilə tanış etmək tövsiyə olunmur. Uşaqlar üçün cizgi filmini necə seçək?
Cizgi filmlərinin növlərini qruplaşdıraq:
Öyrədici
Əyləncəli
Tərbiyəedici
Heyvanlar aləmini əks etdirən
Bol animasiyalı
Şiddət aşılayan
Xəyali varlıqları əks etdirən
Qeyd: Bəzən bir cizgi filmi yuxarıdakılardan bir neçəsini özündə cəmləşdirir.
İlk öncə bunu qeyd edək ki, 2-6 yaş arasındakı uşağın izləyəcəyi cizgi filmi qətiyyən reallıqdan uzaq olmamalıdır. Cizgi filmindəki hadisələr uşağa gündəlik həyat bacarıqlarını aşılayan, yeni nələrisə öyrədə biləcək şəkildə hazırlanmalıdır. Yəni bu yaş aralığı üçün ən gözəl alternativ öyrədici və tərbiyə edici cizgi filmləridir. Cizgi filmini normasından artıq zaman kəsiyində izləmək uşaqda diqqət dağınıqlığı yaradır və uşağı reallıqdan uzaqlaşdırır. Bu səbəbdən cizgi filmi izləmə vaxtına da diqqət etməlisiniz. Uşağa cizgi filminin növünü seçərkən diqqət etməli olduğunuz nüansları vurğulayırıq:
Öyrədici (sayları, rəngləri, hərfləri, və.s) olmalı
Şiddət aşılayan olmamalı
Ölən, yaralanan qəhrəmanlar olmamalı
Qorxutma, cəzalandırma, lağetmə və.s kimi mənfi davranışlar olmamalı
Təbii gedişatdan kənar hadisələr olmamalı (ölüb canlanma, yaralanıb dərhal sağalma və.s)
Əyləndirici, rəngli, əzbərləməni inkişaf etdirən mahnıların olması